Roja 16ê Tebaxa îsal, 27 sal bi ser terorkirina têkoşerê azadiyê, şehîd Elî Kaşifpûr re derbas dibe ku sala 1990 li bajarê Konya li welatê Tirkiyê bi bêbextî ji aliyê ajan û terorîstên Komara Îslamiya Îranê ve hate şehîd kirin. Di salvegera terorkirina Elî yê me hemûyan de, em dubare banga yêkitî û yêkrêziya hemû têkoşerên Kurdistanî dikin û hêvî dikin ku ji bo bi cî anîna hêvî û armancên şehîdan, destê xwe bidin hev.
Rewşa Rojhilata Navîn îro gelik aloz û tevlihev e. Gelê kurd dixwaze piştî sedan sal bindestî û belengazî, kuştin, enfal û kîmiyabaranê êdî li ser riya briyardan ji bo diyarî kirina çarenivîsa xwe bi pêş ve here. Bi wê hêviyê ku armanc û hêviyên şehîd Elî û hemû şehîdên Kurdistanê û malbatên wan, ku dîtina azadiya Kurdistanê ye bi cî bê û di roja rêfrandom a 25ê Îlonê de bi dengê ERÊ bingeha serxwebûna Kurdistanê were danîn.
Em weke malbata şehîd Elî, Elî û hemû şehîdên Kurdistanê û qurbaniyên teror a Komara Îslamî bi bîr tînin û li hember mezinahiya şehîdan serê hurmetê ditevînin. Di heman demê de, em 25ê Gelawêj, roja damezirandina PDKI û PDK li gelê kurd u hemû pêşmergeyên Kurdistanê pîroz dikin.
Malbata Kaşifî