Îro 20.salvegera qetilkirina têkoşerê kurd Elî Kaşifpûr e.
Elî Kaşifpûr ku endamê komîteya navendî ya Partîya Demokrata Kurdistana Îranê û berpirsiyarê partiyê li herêma Bakûra Rojhilatê Kurdistanê bû, beriya bi 20 salan wekî îro, li bajarê Tirkiyê Konyayê hate revandin û kuştin.
Dewleta Îranê ku gelek caran li hember endamên rêxistinên opozîsyonê, hem li derve û hem jî li hundur çalakiyên suîkastê pêk anîn, bi taybetî berî û piştî salên 90î, li derveyî welêt, kesên wekî Dr. Ebdurrehman Qasimlo û Dr. Sadiq Şerefkendî jî di nav de, gelek şoreşger qetilkirin.
Elî Kaşîfpûr, dema hate revandin û kuştin, wekî gelek penaberên kurd ku ji ber zilma dewleta Îranê welatê xwe bi cîh hiştibûn, li Tirkiyê, di bin parastina Saziya Penaberan ya Neteweyên Yekgirtî de dima.