کورتە یادێک لە،شەهید عەلی کاشفپور، تێکۆشەرە خاکیی و بێ نازەکەی باکووری

کورتە یادێک لە،
شەهید عەلی کاشفپور، تێکۆشەرە خاکیی و بێ نازەکەی باکووری رۆژهەڵاتی کوردستان!
وەک سەرەتا ئەودوو پرسیارە دەکەم: ( پڕۆسەی تێکۆشانی حیزبی دێمۆکرات، مێژووی پڕ لە شانازی یە؟! یان شەمەنەفەرە هەر کەس؛ لێی دابەزیی یان تێیدا شەهید بوو: رۆیی کە رۆیی؟!)
بەر لە وە بچمە باکووری رۆژهەڵاتی کوردستان، لە رێگای کۆنگرە وکۆبوونەوەکانی کۆمیتەی ناوەندێ وە، لە گەڵ کاک عەلی کاشفپور لە نزیکەوە ناسیاویم پیداکردبوو:
^ ئەوەش بڵێم لە دوورەوە، گومانم هەبوو لە توانای تەشکیلاتی حیزب لە باکوور. گومانەکەشم لە بوونی سیستیم و شیرازەی تایەفە و عەشیرەگەریەوە سەر چاوەی دەگرت!
ئەو گومانمەم وای لێکردبووم کە؛ بە ووردی سەرنج بدەمە سەر هەڵس و کەوتی ئەو کادر و پێشمەرگانەی کە لە باکورەوە دەهاتن بۆ ناوەندی کوردستان و، بەشداری کۆنگرە و پلینۆمەکانیان دەکرد!
سەرئەنجام پاش چەند ئێرە و، ئەوێکردن و باشور و ناوەند گەڕان؛ بۆخۆشم تێکۆشانم کەوتە، باکوری رۆژهەڵاتی کوردستان! لە وێ دووبارە لە نزیکەوە لە گەڵ کاک عەلی کاشفپور بووینەوە بە هاوکار. ^
هەر لەو سەرەتای تێکۆشانم لە باکور، گوێبیسی کۆمەڵێک گلەیی و، گازەندە بووم لە کاک عەلی.
ئەو گلەیی و گازندانەش بە زۆری لە چەند کەسێکی هێزو کۆمیتەی ئاراراتەوە دەبیست! (ئەوەش بڵێم کە بەر لە چوونم بۆ باکوور، چەند دەنگۆیەکیشم لە دەفتەری سیاسی بیستبوو چونکە مخابن، لە ناوەندی دەفتەری سیاسی کەسانێک هەبوون، کە بێ بەزەییانە پەرەیان بە دەنگۆ دەدا!)
کار لە باکور دەستیپێکرد. خۆشیی پڕۆسەی دێمۆکڕاسیی حیزب لەوە دابوو کە؛ کادر و پێشمەرگە بۆ ئەوە هەبوونی خۆی بسەلمێنێ: لە بن عەرز و سەر پەڵە هەوران گلەیی دەدیتەوە و باسی لێوە دەکرد!
بەزۆریی، ٢ بۆ٣ هاوڕێ یەک دەهاتن بۆ گلەیکردن و، بەشێک لە گلەییەکانیان روو بە کاک عەلی بوو. پاش چەند خولەکێک قسەکردن لە گەڵ ئەو هاوڕێ یانە ، بۆم دەردەکەوت کە بەڵگەیەکی ئەو تۆیان لە بەر دەست دا نییە، گازندەکەیان بسەلمێنێنن!
بۆیە بە ئەرکی خۆم دەزانی کە هەم دڵی ئەو هاوڕێ یانە بدەمەوە و هەم دڵسۆزی کاک عەلی م زیاتر بۆ دەربکەوێ! چونکە کاک عەلی وەک یەکێک لە بەڕێوەبەرانی باکوری کوردستان، بە بێ دڵساربوونەوە لەو گازندانە؛ لە هیچ زحمەت و، تێکۆشانێک کۆتایی نەدەکرد!
پاشان بەرە بەرە دیتم کە کۆمەڵێک کێشەی وورد هەیە، بەڵام بەڵگەیەک بۆ سەلماندنی لە بەر دەست دانییە!
بۆیە بەو ئەنجامە گەیشتم کە یەکێک لە سەرەکیترین گرفتەکانی سەر رێگای تێکۆشانی کادر و پێشمەرگەکانی باکوور؛ کە بەراستیی، شۆڕشگێڕ، لە خۆبوردوو، پارتیزان و بە ئیمان بوون بەرێبازییان؛ ئەوە بوو کە» لاوازبوون لە خۆ ئیدارەکردن بە خەڵکی پێگەیشتوویی خۆیان لە باکور». نۆڕمی تێکۆشانی باکور وادامەزرابوو، کە عادەتیان گرتبوو،هەر لە ناوەندەوە بەرپرس و، فەرماندەیان بۆ بنێردرێ! پەندی پێشینیان: ~کوری خۆماڵی، قەت نابێتە پیاو~! لە باکووری روودابوو!
بوارە جیاجیاکانی کەسایەتی کاک عەلی کاشفپور:
شارەزایی:
عەلی تێکۆشەر؛ زانستیار، خوێنەر، بیرمەند و بە بەرنامە بوو! ئەو تێکۆشەرە ساڵەکانی کۆتایی خوێندنی زانکۆیی بۆ تێکۆشان لە حیزبدا بەجێهێشتبوو! بە بێ دوو دڵی دەڵێم کە عەلی کاشفپور لە سێ کاڕاکتێریی:

• کورە زەحمەتکێشی،
  -خاوەن زانستیی- و
• نەتەوەیی بوون لەو ئاستە لە بەرپرسایەتیدا، وێنەی لە باکور دا نەبوو!
  مەتانەت:
  عەلی رەوانشاد تا بڵێی، مەتین، ئارام و لەسەرەخۆبوو. لە زۆربەی کۆبوونەوە و، مەجلیسەکاندا، ئەوەندە شیرین و لەسەرخۆ بەشدار دەبوو کە مەگەر مرۆڤ، گێژ بووایە دەنا هەر دەم شتی لێ فێر دەبوو! سکاڵای کەسیی و، تایبەتی هەر نەبوو، بە جۆرێک کە پاش ماوەیەک زانیم کە خاوەنی ژن و زارۆکە!
  هاوکاریکردن:
  بە پێی ئەزموون لە ناوچەکانی دیکەی کوردستان ،کە بەرپرسایەتیم تێیدا هەبوو، کاک عەلی یەکێک لە هاوکارە هەرە دڵ سۆزەکانی تێکۆشانم بوولە کوردستان دا!
  قسەی خۆی دەکرد، تێدەکۆشا باوەڕت پێ بێنێ، بەڵام لە دوو کات دا، وەک دێمۆکڕاتێک، مرزەم دەبوو بە بڕیاری هاوڕێ یانی:
• یەکەم ئەو کاتە کە مرۆڤ پێی وابوو دەبێ بە قسەی نەکا.
• دوویەم ئەو کاتە کە دەنگی دەکەوتە کەمایەییەوە!
  من هەرگیز، گرفتی هاوکاریخوازییم لە گەڵ کاک عەلی بۆ پەیدا نەدە بوو!
  جەساڕەت و شۆڕشگێڕی:
  عەلی رەوانشاد، ئازا، بەدەست وتفەنگ، و کوڕی رۆژی تەنگانە بوو. لە چەندین شەڕ دا دەم دیت کە زۆر بە توانا و مودیرییەتە! وەک بیرەوەریش بێ دەکڕێ، نموونەی شەڕەکانی: بەردیان، جەتەر،و مەجووسە بێنمەوە!
  وورەی عەلی کاشفپور؛ شڵێژان، دەست وپێ وونکردن و، پەشۆکانی نەدەناسیی! کاتی شەڕ هەم هەستی بە بەرپرسایەتیی دەکرد و، هەم ئەرکی پێشمەرگەیەکی سادەشی دەگرتە ئەستۆ! عەلی شەهید خۆشەویستی خەڵکی باکور بوو!
  دەستپاکیی:
  ناتوانم بڵێم من محەکیی دەستپاکی خەڵکی حیزبی بووم، بەڵام دەتوانم بڵێم کە، کەس نەیتوانیوە، دەستی تۆمەتی ماڵیم بۆ درێژ بکا، بە پێچەوانەوە، زۆر بە دڵسۆزیی بۆ پاراستنی سەروەت و دارایی، حیزب بەنێوبانگ بووم!
  لەو بارەوە لە سەر کاک عەلی ئەوە دەڵێم کە هەرچی لە دڵسۆزیی دارای عەلی شەهید بڵێین جێی خۆیەتیی!
  باکور خۆشەویستی کاک عەلی رەوانشاد:
  ئەو نەمرە زۆر تێدەکۆشا، قەوارەی حیزب لە باکور، سیستیم پەیدا بکا، زۆر باوەڕی بە پیادەکردنی بڕیاراتی حزب هەبوو، تێکۆشەر شەهید عەلی، یەکێک لەو خەباتکارانە بوو کە حەولی دا، شیرازە و رایەڵکەی عەشیرەگەری بە قازانجی شۆڕش لاواز ببێ و، سەرکەوتنی باشیش لەوبووارەدا وەدەست هات!
  وەک هاوڕێ یانمان دەزانن، بە داخەوە، لە وڵاتی تورکیە دەستی رەشی تێرۆر، گەیشتە عەلی تێکۆشەر و شەهید کرا!
  باوەڕم وایە کە دەبوو، زۆر بە جیددی ئاوەڕلە خەبات و تێکۆشانی شەهید عەلی بدرێتەوە . نەک هەر لەو بارەوە، بەڵکە لە کۆمەڵێک بورای دیکەش دا، ئەرکی مێژوویی و، ئەخلاقی حیزبی دێمۆکرات ئەوەیە کە رێگە نەدا، کەسایەتی شەهید عەلی کاشفپورو، باقی تێکۆشەرانی مێژووی خەباتی کوردستان؛ بۆ مەبەستی تایبەتی یان لە ژێر هەر ناوێکی دیکە دا خەوشدار بکرێ!
  مێژووی حیزبی دێمۆکرات بە خەباتی، ئەندام وپێشمەرگە و، کادر وڕێبەران یەوە جوانە!
  رەوانی رۆڵەی تێکۆشەر، ئەندامی رێبەریی حیزبی دێمۆکرات و، کەسایەتی کەم وێنەی باکوری رۆژهەڵات شادە!
  ٢٦ ی سەرماوەزتان پیرۆز بێ!
  ٢٦ ی سەرماوەزی ٢٧٢٠ ی کوردی
  جەعفەر حامیدی

ئەم بەستەرە پۆستی ڕەسەنی نوسەرەکەیە کە لەسەر فەیسبووک بڵاوکراوەتەوە.