بە ئاگاداریی خوێنەران و ئۆگرانی بزووتنەوەی نەتەوایەتیی کوردستان ڕادەگەیەنین کە ئەمسال ٢٩ یەمین ساڵی تێرۆری شۆڕشگێڕو سەرکردەی کورد عەلی کاشف پوور بە دەستی تێرۆریستەکانی کۆماری ئیسلامیی ئێران لە ١٥ی ئاگۆستی ١٩٩٠ لە شاری قونیای تورکیە یە.
هەر وەک ئاگادارن لە کۆتایی نەوەدەکانی سەدەی ڕابردوو دا بە هاوکاری و هەوڵ و هیمەتی کۆمەڵێک دۆست و هاوڕێ و هاوخەباتی شەهید عەلی توانیمان کتێبێک لە سەر ژیان و خەباتی ئەو بە زاراوەی کرمانجیی سەروو و بە پیتی لاتینی ئامادە و بڵاوبکەینەوە.
ئەوەی ڕاستی بێ هەر لە سەرەتاوە هەستمان بە بۆشایی بڵاو نەبوونی ئەو کتێبە بە زاراوەی کرمانجیی خواروو و بە پیتی ئارامی کردبوو، بەڵام بۆمان نەکرابوو ئەو کارە بکەین تا گەیشتینە ئەمساڵ و بە خۆشی یەوە کاک کاووس عەزیزی وەک یەکێک لە هاوخەباتانی شەهید عەلی و چالاکوانی سیاسیی گەلەکەمان قۆڵی هیمەتی لەو ئەرکە هەڵماڵی و بە ئەمانەتەوە ئەو کتێبەی وەرگێڕایە سەر زاراوەی کرمانجیی سەروو بە پیتی ئارامی، کە ئێمە وەک بنەماڵەی شەهید عەلی کاشف پوور وێڕای سوپاس لە زەحمەتەکانی ،دەستخۆشیی لێدەکەین و هیوادارین لە ئەرکەکانی دا سەرکەوتوو بێ.
سڵاو لە گیانی پاکی شەهید عەلی و هەموو شەهیدانی ڕێی ڕزگاریی نەتەوەکەمان.
بنەماڵەی شەهید عەلی کاشف پوور
١٤ی ئاگۆستی ٢٠١٩